لمسة فخامة: كيف تستخدمين الرخام والذهبي في ديكور بيتك بدون ما يصير مبالغ فيه؟

الفخامة مو دايم تعني التكلّف💵، أحيانًا لمسة بسيطة من خامة راقية مثل الرخام أو لمسة لون ذهبي تكفي إنها تغيّر جو المكان وتعطيه فخامة راقية✨ بدون ما يصير “كأنك بصالة أفراح”. في هذا المقال، بنعطيك خطوات وأفكار عملية تضيفين فيها لمسات فخمة بطريقة ناعمة ومتوازنة🎀.

 أولاً: استخدام الرخام بطريقة ناعمة💕

• لا تكثّرين منه: قطعة وحدة كفاية، مثل طاولة جانبية، أو صينية رخام للضيافة.

• الألوان تفرق: الرخام الأبيض مع عروق رمادية أو ذهبية يعطي إحساس ناعم جدًا، بعكس الأسود اللي يحتاج توازن.

• أماكن ذكية: استخدمي الرخام في:

• طاولة القهوة

• صينية عطور أو بخور

• قاعدة شموع

• سطح تسريحة أو حمام الضيوف

⸻

 ثانياً: الذهبي = لمعة راقية (مو بريق مزعج)✨

• اختاري الدرجة الصح: الذهبي اللامع أحيانًا يعطي إحساس مبالغ فيه، لكن الذهبي المعتق (مطفي أو “برونزي”) فخم وناعم.

• كيف تستخدمينه؟

• إطارات الصور أو اللوحات

• أرجل الطاولات أو الكراسي

• مرايا بإطار ذهبي ناعم

• لمسة في النجف أو الأبجورة

⸻

 توازن مهم⚖️:

• لو المكان فيه رخام أبيض، خففي الذهبي.

• ولو عندك ذهبي واضح، خليه ينعكس على خلفية بيج أو ترابية أو رمادية فاتحة.

• لا تجمعين كثير خامات فخمة مع بعض (مثل المخمل+ذهبي+رخام بنفس المكان)، اختاري عنصرين فقط.

⸻

 خلاصة لمستك🙋🏻‍♀️:

الفخامة ما تحتاج كثرة… محتاجة ذوق.

قطعة بسيطة فيها رخام، ولمعة خفيفة من الذهبي، على خلفية هادئة = لمسة تخلّي المكان “رايق وأنيق”